Аскер комиссариаттарындагы текшерүү

Аскер комиссариаттарындагы текшерүү

Кыргыз Республикасынын Коргоо иштери боюнча мамлекеттик комитетинин (мындан ары КР КИМК) башкаруу органдарын, аскер бөлүктөрүн жана мекемелерин 2020-жылга даярдоо планына жана КР КИМК төрагасынын буйругуна ылайык, 2020-жылдын 17-январынан баштап 14-февралына чейин КР КИМК аскердик башкаруунун жергиликтүү органдарынын башкы башкармалыгынын офицерлери тарабынан Бишкек шаарынын жана Чүй облусунун аскер комиссариаттарын текшерүү иш-чаралары жүргүзүлүүдө.

Бул иш-чаралар жыл сайын аскер кызматчыларынын мобилизациялык даярдыгынын деӊгээлин аныктоо, коорупциялык коркунучтардын алдын алуу, катуу отчеттуулуктагы бланктарды берүүсүнүн мыйзамдуулугун жана аскер комиссариаттарынын жалпы кызматтык ишмердигин текшерүү максатында жүргүзүлөт.